قامت الشرطة البريطانية في العاصمة اللندنية بسحب سيارة مازيراتي مطلية بالذهب، يمتلكها الملياردير الباكستاني حمزة الشيخ بسبب قيادة السيارة في شوارع لندن بدون رخصة قيادة،حسبما ذكرت صحيفة ديلي ميل.

وذكرت الشرطة البريطانية، أن حمزة الشيخ البالغ من العمر 19 عاما يمتلك اسطول من السيارات الفارهة المطلية بالذهب وهو يدرس حاليا في جامعة ريجنت في مجال إدارة الأعمال، وهو من أصل باكستاني.

وعلل الشيخ قيادته بدون رخصة إنه ما يزال يتعلم على سيارته ولم يستخرج رخصة القيادة بعدما صرح أنه ينتظر سيارة أخرى لامبورجيني مطلية أيضا بالذهب في غضون أيام.

يذكر ان الشرطة البريطانية قامت بسحب السيارة المازيراتي لمدة يومين ومن المتوقع أن يتعرض لغرامة مالية قدرها 300 دولار.

شدد نادي السيارات الألماني ADAC على ضرورة أن يقوم الوالدان بربط حزام الأمان بمقعد الأطفال بإحكام وأن يكون ملتصقا بالجسم قدر الإمكان، موضحا أن حزام الأمان يكون مربوطا بصورة صحيحة عندما يسمح بمرور اليد المنبسطة فقط بين الحزام وجسم الطفل.

وبالإضافة إلى ذلك، يجب أن يتم تركيب حزام الأمان بصورة سليمة، بحيث يمر جزء الكتف فوق منتصف الكتف، وأن يكون حزام الحوض منخفضا قدر الإمكان بحيث يمر على الخصر.

وأضاف الخبراء الألمان أن الأطفال الصغار عادة ما يتعرضون للإصابات الخطيرة في حالة وقوع حوادث السيارات؛ نظراً لأنه لا يتم استعمال مقاعد الأطفال وفقا للتعليمات أو أنه لا يتم ربط حزام الأمان لمقعد الطفل بصورة سليمة.

يشهد العالم يوميًا العشرات من حوادث السيارات، وتختلف ردود أفعال الذين تعرضوا لهذه الحوادث وفقًا لخلفياتهم الثقافية والمجتمعية وأيضًا مدى خطورة وشدة الحادث.

ولكن موقع "lifehack" الإلكتروني قام بطرح عشر نقاط يمكن لأي سائق سيارة حول العالم أن يتبعها إذا ما تعرض لحادث، وذلك لكي يحفظ حياته وحقوقه وحياة وحقوق الآخرين.


1-عند وقوع الحادث لا يجب بحال أن تترك الموقع مهما كان الأمر طفيفًا، وذلك لأنه أمر غير قانوني ويضع السائق تحت طائلة القانون.

2-لعدم تعقيد الأمور أكثر مما هي عليه ولمنع مزيد من الحوادث، يمكن وضع مشاعل حول السيارة المصطدمة ونصب المثلثات العاكسة واستخدام مصباح يدوي إن وجد لتحذير السيارات الأخرى على الطريق وذلك بالطبع إذا ما وقع الحادث في الظلام.

3-حتى إذا كان الأمر بسيط يجب إبلاغ الشرطة بالحادث، فقد تحتاج إلى تقرير شرطي ليدعم موقفك عند اللجوء لشركة التأمين الخاصة بك.

4-عند وصول الشرطة حاول جاهدًا أن تذكر فقط ما حدث أو ما تتذكره عند وقوع الحادث، فالتكهنات في هذه الحالات قد تغير مسار التحقيق، وإذا ماسئلت عن إصابات لحقت بك حاول ألا تتكهن أيضًا فقد تكون بك إصابات لا تشعر بألمها بسبب هول الموقف.

5-يوصي المحامي مايكل أولين باستخدم كاميرا التصوير خاصتك أو كاميرا هاتفك المحمول لتوثيق كل التلفيات التي لحقت بسيارتك وكذلك الجروح أو الكدمات التي أصبت بها وذلك لدعم موقفك أمام العدالة.

6-عادة ما تطلب الشرطة من أطراف الحادث الحصول على معلومات كأسمائهم الكاملة وأماكن إقامتهم وأرقام الهواتف المحمولة والعناوين، ولكن إذا كانت الشرطة غير متواجدة فيمكن تبادل هذه المعلومات بين أطراف الحادث وكذلك الشهود للتواصل مرة أخرى.
7-يجب إخطار شركة التأمين عن الحادث في أقرب وقت، حتى يتسنى معرفة ما إذا كان الحادث الذي وقع يتم تغطيته تأمينيًا أم لا، وكذلك التأكد من أن العلاج سيكون من خلال شركة التأمين خاصتك.

8-واحدة من أهم الخطوات التي يجب اتباعها، الاتصال بالمحامي الخاص بك أو تعيين واحدًا ينوب عنك حتى تستطيع حماية حقوقك والتأكد من أن الأدلة لن يتم العبث بها، وأيضًا فالمحامي سيقدم لك المشورة القانونية قبل تقديم شركة التأمين والتعرف على كيفية الحصول على التعويض المناسب.

9-في الكثير من الأحيان لا يشعر المصابين في حوادث سير بإصاباتهم إلا بعد مرور ساعات أو حتى أيام، وقد يكون الوقت عاملاً حاسمًا في سرعة الشفاء، لذا يجب الاستعانة بسيارة إسعاف في مكان الحادث أو التوجه مباشرة إلى مستشفى بعد الانتهاء من الإجراءات القانونية.

10-لكي تحفظ حقوقك المدنية والمادية يجب الحفاظ على كافة الدلائل والملفات التي تم تحريرها عن هذا الحادث، وكذلك كافة المعلومات عن المشاركين في الحادث أو الشهود عليها للاستعانة بها وقت الحاجة.

كثيرا من الناس لايدرك اهمية المحافظة على باور ستريينج بالسيارة

او دريكسيون السيارة ،

ونسرد لكم معلومات بسيطة جدااا قد تجنبك الكثير من مشاكل السيارة ،

خطوات الحفاظ على باور ستريينج السيارة او دريكسيون السيارة

ثانيا: عدم لف دريكسيون السيارة بدون اي داعي و السيارة متوقفة فهذا يؤثر

حتما على باور السيارة 

ثالثا: تجنب عدم تشغيل السيارة و دريكسيون السيارة مكسور جهة اليمين

او اليسار ويراعى عند ركن السيارة ان تجعل عجلات السيارة الامامية في

الوضع الصحيح لها اي لا يمينا و لا يسارا

رابعا: ان تفحص بصفة دورية عند الذهاب مثلا لمركز صيانة السيارات

مستوى زيت الباور ويراعى عدم نقص الزيت عن علامة الحد الادنى

ويجب ايضا ان لايزيد مستوى الزيت على علامة الحد الاقصى مع العلم

ان زيت الباور هو احمر اللون

خامسا: عند ارتفاع صوت مضخة زيت الباور فهذا يدل على وجود

مشكلة في طرمبة الباور

اذا تم غسل السيارة والموتور ربما يوجد بعض الماء موجود فى فتحة البوجية ودة يخلية لا يعمل الحل تجفيف فتحة البوجية بالهواء المضغوط

يوجد سلك من اسلاك البواجى المتصلة مع الكويل غير سليم للكشف علية ندور السيارة ونفك واحد ونقربة من البوجية اذا لقينا شرر كهربائى يعنى السلك دة سليم واذا كان غير ذللك يعنى السلك دة محتاج تغير لابد من تغير كل الاسلاك لان حرارة الموتور اثرت على الاسلاك او انها نوعية غير جيدة او عمرك ما غيرتها


اذا كانت الرجة تشعر بيها وانت على السلانسية يعنى بدون ما تدوس بنزين لكن لما تمشى بيها وتدوس بنزين تختفى يعنى وربما واحد من كراسى الماكينة الكاوتشة بايظة الحل تغير الكرسى دة فى اسرع وقت ممكن
وغالبا بيكون الكرسى الكبير ودة اغلى واحد


-البوجى نفسة مصدى ومش شغال نهائبا او ركبت نوعية تعبانة عشان الميزانية مغرم


فلتر البنزين مسدود ومحتاج يتغير طبيعى جدا وبتحصل كتير


طرمبة البنزين لا تعمل بصورة جيدة والعيب دة يظهر دايما فى بداية التشغيل او مع السرعة العالية


بنزين مخلوط بالماء او بالديزل والعيب دة تنفرد بية مصر حسبى الله ونعم الوكيل واذا حصل دة يعنى ادمرت بخاخات البنزين داخل الموتور وممكن توصل الى عمرة كاملة ودة بيظهر مع البداية الدوارة والسرعة المنخفضة والعالية


لسبب ما ضغطة السلانسية قلت بالتالى قلت نسبة البنزين فى بداية التشغيل مما يودى الى رجة وتوقف الموتور ولا يدور الا لما تدوس بنزين مع الدوارة او بعد عدة محاولات للدوارة جرب يمكن يكون السبب دة دوس شوية

نوعية بنزين غير مناسبة للسيارة حصلت مع السوبارو خليك مع 95 احسن

فلتر الهواء يؤدى ايضا الى رعشة وتوقف فى بداية الدوارة افتحة ونظفة بالهواء المضغوط او تغيرة يكون افضل بس التنظيف الاول ونشوف يوجد تحسن او لا بلاش ندفع فلوس بدون ما نتاكد ان دى المشكلة

منظم الهواء موجود بعد الفلتر اذا امتنع تماما عن العمل لن تتم الدوارة ابدا لان لايوجد هواء رايح الماكينة اما اذا كان غير منتظم ويحتاج تغير سوف يؤدى فعلا الى رجة وتوقف للدوارة طيب نعرف اذاى انة دى هى المشكلة فى الحقيقة صعب جدا بدون كشف كومبيوتر فى التوكيل او فى مركز صيانة محترم لاتروح لكهربائى عشان المشكلة دى مش حايعرف وفر فلوسك هنا كمان


يوجد سنسور حساس الكامة ودة موجود فوق الماكينة تقريبا تحت او امام فلتر الهواء ودة لايسبب رجة ولكن تتوقف الماكينة عند تخفيض السرعة مع السرعة المنخفضة او فى المنحنيات ودايما تحصل عند الاشارات
غير السنسور فى التوكيل احسن


حساس الكرنك يوجد اسفل الماكينة ودة ايضا لايسبب الرجة فى البداية ولكن يجعل الماكينة تتوقف مع السرعة العالية طبعا مع رجة


عمود الدفرنس كرسى مكسور اوالصليبة بايضة رجة شديدة فى كل السيارة

اعطال السيارة وطرق تصليحها

اولا : المحرك

المحرك لا يدور عند إدارة المفتاح
أسباب العطل - العــــــــلاج
ضعف البطارية أو تلفها
- اشحن البطارية أو غيرها

رداءة توصيل كابلات البطارية
- نظف أقطاب البطارية أو غير الكابلات
التشغيل خلال دفع العربة مع تعشيق السرعة الثانية

احتمال وجود ماء داخل السلندرات أو حشر المكابس
- لابد من اللجوء لميكانيكي متخصص للكشف والإصلاح

وجود خطأ في تعشيق ترس المارش مع ترس الحدافة وعادة ما ينتج عن ذلك صوت عند محاولة الإدارة
- يعاد تربيط وضبط المارش في مكانه الصحيح لاحتمال
عطل في مفتاح التوصيل الرئيسي
- إصلح العيب أو استبدل قفل الكونتاكت

المحرك يدور ببطء ولكن لا يبدأ الحركة
أسباب العطل - العــــــــلاج
ضعف البطارية
- أعد شحن البطارية إذا تأكدغير البطارية إذا تأكد تلف البطارية

سوء التوصيلات أو تآكل الكابلات الرئيسية
- غير الكابلات التالفة أو أعد إحكام الوصلات

عدم تلامس الكابل الأرضي مع الهيكل جيداً
- نظف مكان الوصلة جيداً واحكم الربط

عيب في المارش
- يزال العيب أو يستبدل المارش

زيادة لزوجة الزيت في كرتير الزيت
- يفرغ الزيت ويعاد الملء بزيت ذو لزوجة مناسبة

المحرك يدور بطريقة عادية ولكن لا يبدأ في الاشعال
أسباب العطل - العــــــــلاج
اختبر وجود الكهرباء في سلك البوجيهات إذا تأكد وجود عيب في دورة الاشعال فقد يكون هناك عدم وجود كهرباء في أسلاك البوجيهات
اختبر الكهرباء القادمة من البوبينة واختبر الأسلاك الموصلة للبوبينة واختبر غطاء الاسبراتير من حيث الشروخ أو الرطوبة واختبر أيضاً الأبلاتين وتأكد من عدم وجود قصور في أي منها أو فصل في أي منها عدم وجود كهرباء في سلك التوصيل من الاسبرتير للبوجيه
انزع فلتر الهواء وراقب سلامة عمل بوابات الكربراتير وتأكد من أنه يقوم برش البنزين عند ضغط دواسة البنزين عند وجود كهرباء في اسلاك البوجيهات ويدل على ذلك حدوث شرارة بين أي سلك من أسلاك البوجيهات عند تقريب طرفه من جسم المحرك لمسافة 5 - 10 م وإدارة المارش

المحرك يدور ولكن لا يبدأ في الإشعال 

أسباب العطل - العــــــــلاج 

اختبر عمل طلمبة الوقود بنزع خرطوم توصيل الوقود من ناحية الكربراتير ثم ادر المحرك بالمارش واختبر اندفاع البنزين من الخرطوم مع دوران المحرك
اضغط بدال البنزين عدة مرات وانظر خلال الكربراتير فإذا بدا جافاً فإن ذلك يعني وجود شوائب في فونيات الكربراتير وفي مدخل غرفة العوامة ويجب تنظيفها وإذا بدا الكربراتير به آثار بنزين فذلك يعني أن العيب في شمعات الاحتراق ويجب فكها والتأكد من سلامتها ومن الخلوص بين طرفيها عند التأكد من وصول البنزين للكربراتير
تأكد من وجود بنزين في تنك السيارة لأنه في بعض الأحيان يعطي عداد البنزين قراءة خاطئة عدم وجود بنزين في التنك
تأكد من سلامة توصيلات خراطيم البنزين وعدم وجود سد بها تأكد من نظافة فلتر البنزين افتح غطاء طلمبة البنزين ونظف الطلمبة من الداخل وأعد الغطاء مع التأكد من احكام إغلاقه في حالة طلمبة البنزين الميكانيكية

المحرك يحدث فيه " باك فاير " أو تخرج شحنة بنزين من الكربراتير
أسباب العطل - العــــــــلاج
أسباب العطل أعد ضبط توقيت الاسبراتير
خطأ في ضبط توقيت الاسبراتير
وجود رطوبة في غطاء الاسبراتير أو في أسلاك الاسبراتير جففه جيداً وتأكد من سلامة توقيت الاشتعال

ثانيا : اداء المحرك

المحرك يبطل في السرعات البطيئة والمحرك بارد
أسباب العطل - العــــــــلاج
اضبط صمام الخانق (الشفاط)
صمام الخانق (الشفاط) يحتاج ضبط
أعد تشغيل وصلات التشغيل وغير التالف منها
صمام الخانق (الشفاط) لا يعمل
يعاد ضبط عدد اللفات ليكون حوالي 700 لفة / دقيقة
السرعة البطيئة مضبوطة على عدد لفات قليل جداً

المحرك يبطل في السرعات البطيئة حتى بعد التسخين 

أسباب العطل - العــــــــلاج 

عدم ضبط الهواء والبنزين بطريقة صحيحة
- يعاد ضبط الهواء والبنزين للسرعة البطيئة

سدد في " باك " نافورة السرعة البطيئة
- نظف الباك النافورة جيداً

زرجنة في صمام الخانق (الشفاط)
- تأكد من سلامة عمل الخانق (الشفاط)

نقطة تلامس " الابلاتين " متآكلة أو غير مضبوطة
- نظف وأعد ضبط خلوص نقط التلامس في الموزع

طفح الكربراتير (الشرقان)
-أعد ضبط مستوى البنزين في غرفة العوامة بضبط العوامة

وجود تسرب في الخلخلة الناتجة عن حركة المكابس
-تأكد من احكام ربط كل من الكربراتير وفرن الحر وكل التوصيلات الموصلة في فرن الحر

عدم انتظام السرعة البطيئة للمحرك
أسباب العطل - العــــــــلاج

عدم ضبط السرعة ومخلوط الكربراتير
-أعد ضبط المخلوط للسرعة البطيئة وأعد ضبط عدد اللفات للسرعة البطيئة

وجود تسريب في إحكام التفريغ الناتج عن حركة الاسطوانات مما يؤدي إلى دخول هواء عن طريق الكربراتير ونقل قوة المخلوط الداخل
عدم ضبط خلوص قاطع تيار الموزع " الأبلاتين " أو تآكل طرفيه
-أعد الضبط

عدم ضبط خلوص شمعات الاحتراق " البوجيهات "
-أعد ضبط خلوص شمعات الاحتراق أو غيرها إن لزم الأمر


عدم ضبط توقيت الاشتعال تماماً
-أعد ضبط توقيت الاشتعال
اختبر احكام ربط الكربراتير وفرن الحر وتوصيلاته

المحرك يبطل عند التعجيل
أسباب العطل - العــــــــلاج

طلمبة التعجيل بالكربراتير لا تعمل أو انها تعمل بكفاءة منخفضة
-اختبر قوة تدفق البنزين لغرفة العوامة قبل الشروع في اصلاح طلمبة التعجيل في الكربراتير

صمام الخانق لا يعمل جيداً أو أنه غير مضبوط
-اختبر عمل صمام الخانق وأصلح العيب

عدم كفاية البنزين الواصل للكربراتير
-نظف ابرة الكربراتير وقاعدة الأبرة ثم اختبر مستوى الوقود في غرفة العوامة

وجود قصر في داخل الموزع يسببه جهاز التقديم الأتوماتيكي
-اختبر اسلاك الموزع الداخلية وتأكد من عدم وجود اسلاك عارية ممكن أن تؤدي إلى عملية قصر الدائرة

كثرة الرواسب في فلتر الهواء
-نظف أو غير عنصر الترشيح في فلتر الهواء


المحرك لا يؤدي التعجيل المطلوب والمتناسب مع ضغط دواسة البنزين
أسباب العطل - العــــــــلاج

عدم ضبط توقيت الاشتعال
-أعد ضبط توقيت الاشتعال

تسرب في التفريغ الناتج داخل المحرك
-أعد الأحكام وغير الجوانات التالفة

عدم كفاية كمية البنزين الداخلة
-نظف ابرة الكربراتير والنافورات

المحرك لا يؤدي التعجيل المناسب مع ضغط دواسة البنزين :
أسباب العطل - العــــــــلاج

عدم ضبط أنواع توصيل الحركة من الدواسة إلى الكربراتير
- أختبر الدواسة وأن طول مشوار الدواسة متناسب مع طول مشوار بوابة الكربراتير

عدم ضبط خلوصات صمامات محرك السيارة
-أعد ضبط خلوصات صمامات المحرك

عدم كفاية ضغط المكابس قبل الإشعال
-عملية رودية للصمامات أو غير جوان وش السلندر

عدم ضبط مقدم الشرارة الأتوماتيكي
-غير أي جزء متآكل أو مكسور وأعد احكام توصيلات خرطوم الخلخلة الواصل للموزع

قلة القدرة الناتجة عن المحرك :
أسباب العطل - العــــــــلاج

عدم ضبط توقيت الاشتعال
-أختبر الدواسة وأن طول مشوار الدواسة متناسب مع طول مشوار بوابة الكربراتير

عدم ضبط مقدم الشرارة الأتوماتيكي
-أعد ضبط واصلاح اللازم

تسرب الخلخلة من المحرك
-أختبر وأصلح سبب التسرب من فرن الحر أو الكربراتير

عدم ضبط خلوصات الصمامات
-أعد ضبط الخلوصات

قلة الضغط داخل الأسطونات
-اختبر ضغط المحرك ويرسل المحرك للعمرة إذا كانت حالته تحتاج إلى عمرة

قلة كمية الوقود الواصل إلى الكربراتير
-أختبر طلمبة البنزين أو ابرة الكربراتير ثم نافورات الكربراتير

عدم ضبط الوصلات الميكانيكية من البدال إلى الكربراتير
-أعد ضبط الوصلات ليتناسب مشوار الدواسة مع مشوار الباب في الكربراتير

المحرك يبطل عند إيقاف السيارة ولكن يدور في الأحوال الأخرى :
أسباب العطل - العــــــــلاج

مسمار ضبط باب الكربراتير يحتاج إعادة ضبط
-اضبط السرعة البطيئة بتزويد عدد اللفات

انسداد فونية دخول الهواء
-يتم تنظيف الفونية جيداً

تسرب في طلمبة عن طريق فرن الحر
-اختبر احكام ربط كل الأجزاء الموصلة لمدخل الهواء بما فيها ماسورة التقديم الاتوماتيكي

زيادة سخونة المحرك
-اختبر توقيت الاشعال ودورة التبريد وضبط الكربراتير وشد سير المروحة وكذلك الترموستات لمعرفة سبب زيادة سخونة المحرك

زيادة سخونة شمعات الاحتراق " البوجيهات "
-اختبر مدى مطابقة نوع البوجيه لمواصفات السيارة

وجود نقطة كربونية ساخنة داخل غرفة الاشتعال
-إزالة الشوائب الكربونية المترسبة داخل غرفة الاشعال

اختلال ضبط خلوصات الصمامات في المحرك
- أعد ضبط الخلوصات

تسرب في الخلخلة داخل المحرك
-أعد احكام ربط الوصلات الخاصة بدائرة الحر

المحرك يعطس ويبطل
أسباب العطل - العــــــــلاج

وقود خطأ من حيث الدرجة 

-أعد ملء التانك بالوقود المناسب الوقود المستعمل أعد ضبط توقيت الاشعال توقيت الشرارة بعيداً جداً عن التوقيت الصحيح
وجود عطل في جهاز التقديم الاتوماتيكي
-اختبر اليايات والأثقال الخاصة بالطرد المركزي داخل الموزع
زيادة سخونة المحرك
-اختبر شمعات الاحتراق
زيادة السخونة في شمعات الاحتراق
-ازل الرواسب الكربونية من داخل غرف الاشتعالاختبر دورة التبريد زيادة الترسيبات داخل غرفة الاشتعال

تساقط مياه من الشكمان عند بدء الادارة في الجو البارد أسباب العطل - العــــــــلاج
لا عيب في المحرك وانما يعد ذلك دليلاً على إحكام المحرك - لا يتم عمل شئ في المحرك

تساقط مياه من الشكمان في درجات الحرارة العادية
أسباب العطل - العــــــــلاج
تلف جوان كتلة الاسطوانات
- غير جوان كتلة الأسطوانات

وجود شرخ بغطاء كتلة الاسطوانات أو عدم استواء سطحه الأسفل
- يتم كشط غطاء كتلة الاسطوانات

المحرك يقطع مع السرعات العالية :
أسباب العطل - العــــــــلاج

وجود اتساخ أو عدم احكام في الوصلات الكهربية في دورة الاشتعال
-نظف واحكم الرباط

احتراق أو اتساخ نقطي التلامس في الموزع " الأبلاتين "
-نظف أوغير " الأبلاتين "

تلف شمعات الاحتراق " البوجيهات "
-غير البوجيهات

وجود شوائب في الكربراتير
-نظف الكربراتير

عدم ضبط خلوصات الصمامات بالمحرك
-اختبر وأعد ضبط خلوصات الصمامات

زيادة الشوائب في فلتر الهواء
-نظف أو غير عضو الترشيح في فلتر الهواء

المحرك به تقطيع وعدم انتظام
أسباب العطل - العــــــــلاج

وجود مياه مع الوقود
-تأكد من نظافة وعدم اختلاط الوقود الموجود بالتنك بأي مياه

عدم كفاية مستوى الوقود في الكربراتير
-اضبط مستوى البنزين في غرفة العوامة بواسطة ضبط العوامة في الكربراتير

الوقود على وشك النفاذ من الخزان أو قلة الوقود الواصل للكربراتير
-أعد ملء خزان السيارة واختبر فلتر الوقود ووصلات الوقود وسلامة عمل طلمبة الوقود

المحرك لا تصل درجة حرارته لدرجة الحرارة العادية
أسباب العطل - العــــــــلاج

عدم ضبط الترمستات أو عدم توافقه مع مدى درجة الحرارة المطلوبة للمحرك
-غير الترموستات بآخر له المواصفات الصحيحة

تلف وحدة الاحساس بالحرارة الموجودة بالردياتير
-غير عضو الاحساس بالحرارة بآخر سليم

عداد الحرارة أو مبينة الحرارة في السيارة
-غير المبينة بأخرى سليمة

ثالثا: دورة التبريد

المحرك يسخن بطريقة غير عادية
العــــــــلاج أسباب العطل
زود مستوى المياه نقص مستوى المياه في الردياتير
اضبط شد السير عدم ضبط شد سير المروحة
غير الوصلات التالفة تلف الوصلات المطاط الخاصة بالمياه
غير الغطاء تلف غطاء الردياتير العلوي
اغسل دورة التبريد للتخلص من الشوائب وجود سدد في مجرى المياه في دورة التبريد
غير الترموستات تلف الترموستات
أعد ضبط توقيت الاشعال عدم ضبط توقيت الاشعال
اصلح أو غير طلمبة المياه تلف أو تسرب مياه من طلمبة المياه
اختبر الوصلات وغير التالف منها تلف خرطوم المياه الموصل " القربة "
لابد من اللجوء إلى كهربائي متخصص تلف المروحة الكهربائية التي تعمل بواسطة وحدة ارسال من الردياتير
أحكم رباط وصلة الموزع التي تعمل بالخلخلة وغير أي جزء يكون تالفاً خلل في جهاز التقديم الأتوماتيكي

سماع صوت خشن وعالي بعد بدء الادارة
العــــــــلاج أسباب العطل
أسباب العطل شحم طلمبة المياه وإذا كانت من النوع الذي لا يمكن تشحيمه أضف الإضافات المذكورة في كتالوج العربة والتي تساعد على تشحيم المحاور تلقائياً ? عدم تشجيم رومان بلي طلمبة المياه
شحم رومان بلي الدينامو ? عدم تشحيم رومان بلي الدينامو

تسرب مياه من طلمبة المياه
العــــــــلاج أسباب العطل
غير الطلمبة تلف مانع التسرب بالطلمبة

وجود نفخ وفوران من الردياتير
العــــــــلاج أسباب العطل
? تلف جوان كتلة الاسطوانات أو شرخ في غطاء الكتلة ? تلف جوان كتلة الاسطوانات أو شرخ في غطاء الكتلة

الردياتير يحتاج تزويد مياه باستمرار
العــــــــلاج أسباب العطل
أختبر الوصلات الكاوتش وغير التالف منها أو الجوان التالف أو إلحم الردياتير إذا لزم الأمر ? تسرب مياه من الردياتير ويدل على مكانها وجود ترسيبات من الصدأ
تختبر قوام الزيت ولونه داخل الكرتير فإن بدا مثل قوام " الطحينة " دل على تلف الجوان ويتم تغييره ? تسرب المياه لداخل المحرك

رابعا: البطارية

قلة كثافة المحلول عند قياسه بالهيدروميتر
العــــــــلاج أسباب العطل
اختبر الدينامو واعد شحن البطارية ? ضعف شحن البطارية
? أعد ضبط الحامض مع منع التسرب إذا كان من أعلى وإذا كان التسرب من الجانب غير البطارية ? فقط الحامض نتيجة التسريات للخارج

خامسا: دورة الوقود

السيارة تستهلك وقود زيادة عن المعدل
العــــــــلاج أسباب العطل
أعد ضبط الكربراتيرالكربراتير يحتاج إلى ضبط
غير عضو الترشيح في فلتر الهواء وجود اختناق في مدخل الهواء

المحرك يعطس أو يحدث به باك فاير عند زيادة السرعة العــــــــلاج أسباب العطل
اختبر سلامة عمل الخانق وصلابته صمام الخانق معلق على وضع شبه مقفول
نظف الكربراتير واختبر سلامة الوقود الوقود شحيح أو وجود ماء على البنزين
احكم رباط الفرن وتوصيلاته تسرب الهواء في فرن الحر

الكثير مننا يعاني من صعوبة تنظيف ارضية السيارة الموكيت و القليل قد يستطيع تنظيف الموكيت و لم يعاني من شيء
بالنسبة لي أعاني من هذه المشكلة و كذلك اعاني من الصوت العالي سواء من الموتور أو من صوت الإحتكاك الناتج من الكاوتش بالأسفلت

فقررت ان اغير ارضية السيارة بالجلد بدل الموكيت

نزلت التوفيقية و عملت جولة لشراء مسلتزمات الأرضية الجلد و لم اتمكن من شراء ما ارغب فيه نظرا لسوء الخامات اللي شوفتها و كمان لعدم توافر الألوان و بعض المستلزمات الأخري

المهم نزلت منطقة المناصرة في شارع محمد علي بالعتبة و لقيت محلات متخصصة في الحاجات دي

فقمت بشراء الأتي مع العلم ان سيارتي فيورا 127

3 متر جلد أرضيات (العرض بيبقي 138 سم ) وش جلد و الضهر شبيه بالموكيت سعر المتر 25 جنيه

2 متر (عرض متر واحد) فوم مغطي بطبقة سيلفر سعر المتر 13 جنيه

1 متر (عرض 2 متر) لباد شبيه ببطاطين الجيش سعر المتر 15 جنيه

متر و نص (عرض متر) جلد أو كاوتش إستعملته في عمل دواسات امام كل كرسي و الكنبة إللي ورا سعر المتر 65 جنيه هو غالي شوية لأن الخامة مستوردة

متر (عرض 140 سم) جلد خفيف يستخدم أصلا في فرش الأبواب سعر المتر 14 جنيه

نص كيلو كولا لأستعمالها في اللصق ب 12 جنيه

و دي صور لما قمت بشراؤه

دة الجلد بتاع الأرضيات



و دة الفوم المغطي بالسيلفر و أيضا اللباد اللي عامل زي بطاطين الجيش ههههههههههه



و دة الكاوتش أو الجلد إللي هيستخدم في دواسات أمام كل كرسي



و طبعا اول شيء عملته اني قصيت الجلد دة و عملت الدواسات بما ان دي أسهل عملية في الموضوع كله



ابتديت أولا بفك الكراسي و الكنبة و الموكيت القديم من السيارة و فك اللباد القديم و غسله في الغسالة و تنظيف الأرضية الصاج جيدا بالمكنسة الكهربائية لشفط الأتربة و الرمل الموجود في الأرضية

بدأت بعد كدة بتقطيع الفوم العازل للحرارة علي شكل مستطيلات بمقاسات مختلفة كما في الصورة و طبعا موضوع التقطيع علي شكل مستطيلات دي حاجة شخصية مش أساسي
انا عملت كدة لسهولة وضع الكولا عليها و سهولة لصقها في الزوايا و المنحنيات جنب بعضها



بعد كدة وضعت الكولا علي الفوم بفرشة دهان لتوزيع الكولا جيدا و تسيبها دقيقتان تنشف و تقوم لاصقها في مكانها كما في الصورة

طبعا هتسألوني و تقولولي إيه فائدة الفوم 

من خلال تجربتي الشخصية الفوم بيمنع دخول أي حرارة أو دخان أو صهد بجانب ان اي عربية بيكون فيها فتحات في الأرضية معرفش ليه و دي كل ما أغسل العربية من تحت في أي بنزينة لازم ألاقي الأرضية غرقانة مياه و بتاخد مدة عقبال ما تنشف و يا سلام لو الموضوع قلب بريحة عفانة أو غيره

بعد كدة حطيت اللباد القديم بتاع السيارة أصلا بعد ما غسلته في الغسالة و سبته لغاية ما خد وقته و نشف
و رجعت ركبته مكانه فوق الفوم مع العلم ان اللباد مش لازم يتلصق بالكولا زي الفوم

و بدأت بعد كدة بتقطيع اللباد الجديد و اهم شيء في الموضوع كله طبقة الفوم و طبقة اللباد إللي بيبقي علي صدر العربية من الداخل عشان لما تكون قاعد و سايق ماتسمعش صوت الموتور و ماتحسش بصهد أو حرارة جاية من الموتور

دي صورة لطبقة اللباد إللي حطيتها عند الصدر



اللباد يا جماعة بيمنع الصوت العالي و دة من خلال تجربتي الشخصية

و دي صورة تانية للباد في الأرضية



و دي صورة كمان للباد



بعد الخطوات اللي فاتت دي إبدأ خد مقاساتك عشان لو خدتها قبل الخطوات دي هتلاقي الدنيا خربت و دة إللي حصل معايا ههههههه لأن طبعا طبقة الفوم و طبقتين إللباد بيفرقوا في 2 سم

بعد كدة بدأت في تقطيع الجلد بمقاسات معينة و خد بالك لازم تسيب زيادة واحد سنتيمتر عشان الخياطة



طبعا إحترت شوية أبدا التقطيع منين أو أبدأ الخياطة منين المهم بدأت بعمل حرف T إللي هو علبة الشاسية إللي تحت الكنبة و علبة الشاسية إللي فيها الفرامل اليد و الفتيس بما ان دة أصعب جزء و فيه منحنيات و تانيات كتير كما بالصورة
و طبعا قعدت أفنن في قطعة الجلد الخفيف بتاع فرش الأبواب و عملت منها غطاء لفرامل اليد



و المشكلة اللي كانت مضايقاني و مكرهاني في عشتي هههههه ان للأسف ماكينة الخياطة صغيرة لكن كتر ألف خيرها (علي قد لحافك مد رجليك) صح برده و لا انا غلطان ههههههههه

 

بعد ما إنتهيت من حرف إلــ T عملت الجزء الشمال كما بالصورة



لاحظوا ان في أجزاء صعبة علي ماكينة الخياطة فقمت بخياطتها يدويا بخيط أبيض لأني ماكنتش لاقي لون رمادي بس عملت حركة صايعة بعدها و لونت الخيط الأبيض بقلم فلوماستر رمادي ههههههههه

بعد كدة عملت الجزء اليمين زي ما حضراتكوا شايفين طبعا و قصيت مكان دوران الكارتيرات أو الرفارف الأمامية



بعد كدة و دي كان اكتر حاجة صعبة بالنسبة لي و هي جزء الكارتيرات إني آخد مقاساتها صح و دورانها ودي خدت مني وقت طويل شوية بس الحمد لله جت معايا مضبوطة تماما و عملتها زي ما بالصورة



شوية و قعدت أتسلي و عملت غطاء لعصاية الفتيس و طبعا خدت مني شوية وقت عشان تطلع بالشكل الجميل دة زي إللي في الصورة



في النهاية بدأت تركيب الأرضية في العربية و الحد لله طلعت المقاسات مضبوطة بنسبة 99% و دة شي جميل



و طبعا تم تثبيت بعد كدة المجري بتاعت الكراسي و العتب بتاع الأبواب و عصاية الفتيس مع العلم إني كنت خالعها خالص



لاحظوا عند صدر العربية أو تحت التابلوه



لاحظوا أيضا خلف دواسات البنزين و الفرامل و الدبرياش بس ممكن ماتكونش الصورة باينة شوية عشان عصاية الفتيس لسة ما ثبتهاش من تحت كويس



بحمد لله و بفضله أشكره علي إني قدرت أوصل للشكل دة

معلش هطول عليكم شوية و أقولكوا نصائح و نتائج

أولا النتائج

بالنسبة للتنظيف لاحظت سهولة جامدة فيها
بالنسبة لصوت الموتور اثناء السير لاحظت إنعدام صوت الموتور بنسبة 80 % من الصوت قبل تغيير الموكيت القديم
بالنسبة للحرارة و الدخان و الصهد و الهواء لاحظت انعدامه تماما بنسبة 100%

ثانيا النصائح

لما تيجي تشتري الجلد بتاع الأرضية هات خامة طرية و بلاش الخامات الناشفة لصعوبة ثنيها أو إنحنائها و دة مع الأسف إللي وقعت فيه و عملت فيها ناصح علي البائع و اخترت الخامة الناشفة مع العلم انه قاللي خد الخامة الطرية

الموضوع دة بصراحة يا جماعة متعب شوية و محتاج كام يوم متواصل ( مش هتصدقوني لو قولتلكوا ان الموضوع دة خد مني خمس أيام متواصل ) كنت بشتغل حوالي 8 ساعات في كل يوم لأني اول مرة اقعد علي ماكينة خياطة و اشتغل بإيدي و اقصفص و ألصق

إللي ساعدني إني عندي جراج قي البيت قدرت إن افك براحتي و أركب براحتي بدون ما حد يكون كاشفني أو جارحني
انا بحمد الله كل دة عملته لوحدي محدش ساعدني فيه

ربنا يقويكوا و تقدروا تعملو بنفسكوا أفكار أحسن من كدة و نستفيد من بعضنا

السوق فيه أنواع زيوت كتير قوي... 

اللي بيقعد 5000 كم، واللي يقوللك 10000 كم، واللي يقولك 25000 كم، واحنا كده كده بنغيره على 3000 كم!!!!
ده غير إن كل واحد بسعر، وواحد يقلك خد الزيت ده أنا مجربه، والتاني يقوللك على نفس الزيت كلام تاني....

إيه اللخبطة دي ؟

ولإن معظمنا مش عارف الفرق ما بين الزيوت ، فإحنا بنعتمد على عمال تغيير الزيوت والمعلومات من الميكانيكية في موضوع تغيير الزيت ده..

وبصراحة مش كل اللي بيقولوه مظبوط لإنه مش مبني على معلومات ليها أساس علمي...



أهم قاعدة في اختيار الزيت هو إنك ترجع لكتالوج عربيتك... وتشوف إيه الزيت المناسب اللي يتحط في العربية...

على فكرة اللي مكتوب في الكتالوج ده هو أقل نوع زيت مسموح إنك تحطه..

يعني مفيش مشاكل إنك تحط زيت أحسن

طيب إزاي أعرف إذا كان الزيت ده كويس ولا لأ ؟

فيه قواعد عالمية وأرقام مكتوبة على علبة الزيت.. ومنها تقدر تعرف الزيت ده مناسب لعربيتك ولا لأ

أي زيت عربيات في العالم بيتعرف من حاجتين.. اللزوجة و مستوى الخدمة

أولا: اللزوجة

ودي بتتعرف من رقم الـSAE

إيه الـSAE دي؟؟؟

دي جمعية مهندسي السيارات في أمريكا Society of Automotive Engineers
وحددت طريقة تكويد تعرف منها لزوجة الزيت عن طريق أرقام... كل ما زاد الرقم.. زادت لزوجته

إزاي؟

الرقم الصغير يعني زيت خفيف (0، 5، 10، 15، 20)... والرقم العالي يعني زيت تقيل (30، 35، 40، 45، 50 ....)

المهم... معظم الزيت اللي بنستخدمه في معظم عربياتنا هو زيت متعدد درجات اللزوجة

إزاي؟

يعني زيت بيديك أداء وكأن فيه خليط زيوت ..خفيف وتقيل ! ! ! ! ! ! ! ! ! ! ؟ ؟ ؟ ؟

إنما هي في الواقع زيت خفيف وعليه إضافات من البوليمرز بيسموها محسنات مؤشر اللزوجة (Viscosity Index Improvement) وهدفها إن الزيت يحتفظ بلزوجته ويخفش مع ارتفاع درجة الحرارة

ليه كده ؟
الغرض من الزيت متعدد اللزوجة إنه لما تيجي تشغل عربيتك وهي باردة.. الزيت بيبقى له لزوجة معينة بتخليه يوصل لأجزاء الموتور المختلفة ويبقى فيه طبقة تزييت مناسبة للتشغيل..

ولما الموتور يسخن... الطبيعي إن الزيت يبدأ يخف مع ارتفاع درجة الحرارة..
بس ده حيخلي طبقة الزيت ضعيفة، فالبوليمرز بتخلي الزيت محتفظ بنفس درجة اللزوجة لما كان بارد...



الزيت في الحالة دي بيتصرف وكإن فيه زيت تقيل سخن، وده سبب وضع درجتين لزوجة على العبوة.

عشان كده الزيت بيبقى مكتوب عليه درجة اللزوجة بتاعة خليط الزيوت (المفترض)

مثلا:

20W-50 الزيت الخفيف درجة لزوجته 20 ... والزيت التقيل درجة لزوجته 50
5W-30 الزيت الخفيف درجة لزوجته 5 ... والزيت التقيل درجة لزوجته 30
15W-40 الزيت الخفيف درجة لزوجته 15 ... والزيت التقيل درجة لزوجته 40

الأرقام دي بتتحدد حسب حرارة الجو ....... مش درجة حرارة الموتور

طب إزاي نعرف إن الزيت ده لزوجته تنفع لجو مصر؟؟؟

الجو في مصر درجة الحرارة فيه عالية نسبيا.. وفي الشتا صعب توصل لتحت الصفر
(لو اتكلمنا عن الصعيد في الشتا .. فيه بعض أماكن صحراوية ممكن توصل درجة الحرارة الصغرى لحوالي صفر)

زي ما مكتوب في كتالوجات العربيات.. الزيوت اللي تشتغل في مصر من غير مشاكل هي:

20W-50
20W-40
15W-40
20W-40
15W-50

ودي حتديك مجال واسع جدا... من أول 15 تحت الصفر... لحد 60 مئوية

في كتالوج العربية في قسم الصيانة صفحة الزيت لازم تلاقي رسمة زي دي



لاحظ درجات الحرارة (حرارة الجو) ومدى التشغيل بتاع كل زيت

زي ما إنت شايف... مفيش زيت محدد... اشتري أقرب زيت مناسب تلاقيه في السوق يكون مناسب للجو في مصر

طيب .... مادام كل الزيوت دي ممكن تشتغل ... هل فيه فرق في كفاءة التشغيل؟؟؟

ميزة الزيت الـ15w-50 عن 15w-30 مثلا ...
إن الزيت الأثقل (الـ50) حيديك حماية أكبر لأجزاء الموتور وبالتالي الموتور عمره حيبقى أطول...
إنما الزيت الأخف (الـ30) حيديك توفير أعلى في البنزين

طيب... إيه اللي بيخللي بعض الزيوت تقعد في العربية 1000.. 3000... 5000... 10000 كيلو؟؟؟؟؟؟

ده اللي بنسميه مستوى الخدمة

ثانيا: مستوى الخدمة

الموضوع ده متشعب شوية ... بس أهم حاجة فيه درجة الزيت نفسه

ودي ليها كود ورقم بيتعرف منه نوع الزيت (دي كمان؟؟؟) ... بس المرة دي بكذا طريقة تكويد

بس أشهر كود مكتوب على علب الزيوت في مصر هو كود الـAPI

إيه الـAPI دي؟؟ 

دي معهد البترول الأمريكي American Petroleum Institute

وبيحدد حاجة إسمها رمز الخدمة (Service Symbol) اللي منها بيحدد عمر الخدمة بتاع الزيت ده حوالي كام كيلو

وبيعمل على كل زيت رمزين...(S) للمواتير البنزين.. و(C) للمواتير الديزل (السولار)

مثلا:

زيت مكتوب عليه API SJ/CF

يعني إيه الكلام ده؟؟؟

يعني الزيت ده مستواه (J) لمواتير البنزين... ومستواه (F) لمواتير الديزل

وده كويس ولا وحش؟؟؟؟

كل ما كان الحرف اللي مكتوب متأخر في الأبجدية الانجليزية.. كان الزيت ده أحسن
يعني (G) أحسن من (F)... و(M) أحسن من (L)
طبعا.. كل ما كان الرمز ده أعلى ... الزيت يبقى أغلى
أحسن زيت حاليا مستواه (N) لمواتير البنزين.. و(J) لمواتير الديزل
مفيش حاليا أقل من SF لمواتير البنزين... وCD لمواتير الديزل

طيب... ليه بيبقى الزيت مكتوب عليه يقعد 10000 كيلو واحنا نغيره على 5000 بس؟؟؟

راجع أي كتالوج عربية وحتلاقيه بيقوللك.. إن لو العربية بتشتغل في ظروف الخدمة الشاقة.. يبقى لازم تغيره أسرع

وظروف الخدمة الشاقة هي:

* القيادة في الزحام
* مشاوير قصيرة (أقل من 15 كيلو)
* تدوير متكرر للسيارة على البارد خلال اليوم (تدويرها بعدما تبرد تماما)
* القيادة في جو بارد جدا أو في جو حار جدا
* القيادة في جو مغبر
* القيادة في الرمل أو الطين
* ترك السيارة على السلانسيه لمدد طويلة
* أحمال عالية أو قطر سيارات أخرى
* تدوير المحرك على دوران عالي لمدد طويلة
عموما... أقل زيت حاليا (SG) مناسب للعربيات اللي اتعملت قبل سنة 1990، وكل ما كانت العربية جديدة لازم يتحط فيها زيت أعلى

اللي عايز معلومات أكتر ممكن من هـــنــــا :

أمال يعني إيه زيوت تخليقية ؟



بالنسبة لأنواع الزيوت... ففيه نوعين من الزيوت بشكل أساسي

زيت معدني... وزيت تخليقي

الزيت المعدني Mineral Oil

هو زيت مصدره البترول المستخرج من باطن الأرض
(وده سبب تسميته "معدني" لإنه بييجي عن طريق التعدين)
وبيتم تكريره وتنقيته وممكن بيتحط عليه إضافات تحسن من خواصه

الزيت التخليقي Synthetic Oil

هو زيت... تكوينه الكيماوي معدل في المعمل من زيوت لها خواص مختلفة عن الزيت الناتج..
(زي فكرة السمن النباتي.. هو زيت نباتي بس مهدرج وتحول إلى سمن)

مش بالضرورة يكون مصدره الزيت المعدني.. فيه منه نوعين

1- نوع تخليقي 100% من زيوت غير معدنية.. ودي في منها كذا نوع.. بس مش عايز أصعّب الموضوع أكتر من كده
2- نوع نصف تخليقي من زيوت معدنية وزيوت غير معدنية بحيث إن الزيوت المعدنية ماتزيدش عن 30%

مميزات الزيوت التخليقية:

* سرعة تدفق أعلى من الزيت العادي، فيقدر يزيت الموتور أحسن
* أداء أحسن في درجات الحرارة العالية قوي والمنخفضة قوي
* ثبات كيماوي وفيزيائي أفضل (يعني مش بيتحلل أو يفقد لزوجته بسرعة)
* معدل استهلاك أقل
* مضاد للتأكسد والتحلل الحراري وتكون الرواسب، لإنه خالي من الشوائب والمواد الضارة
* مش محتاج يتغير بسرعة، وده حيوفر في الفلوس ويحافظ على البيئة
* موفر في الوقود لإنه بيساعد الموتور يتحرك بسهولة أكبر
* بيحافظ على الموتور لما بندوره الصبح لإنه بيوصل بسرعة للأجزاء اللي ما اتزيتتش
* عمر أطول للموتور
في اختبارات زيت موبيل 1 على سبيل المثال.. العربية اللي كانوا بيختبروه فيها مشيت حوالي 200 ألف كيلومتر من غير ما الزيت يحصله حاجة

عيوب الزيوت التخليقية
* لازم يشتغل على مواتير بتستخدم بنزين خالي من الرصاص (كل البنزين 90، 92، 95 في مصر خالي من الرصاص)
* غير مفضل في المواتير الرحوية أو الدوارة Rotary (ودي نادرة ومش موجودة إلا في المازدا RX-6، RX-7، RX-8)
* لو العربية اللي حتستخدمه شغالة طول اليوم (زي التاكسيات والميكروباصات)، مش حيبقى فيه فرق محسوس بينه وبين الزيت العادي، لإن ميزة الزيت التخليقي الأساسية هي لما بتيجي تدور الموتور.
من وجهة نظري.. الزيت التخليقي أحسن بكتير.. وممكن تغير الزيت مع الفلتر مرة واحد في السنة.. مهما كانت عدد الكيلومترات اللي بتمشيها في السنة.

مع إنه أغلى بكتير (يمكن ضعف الزيت العادي) بس كده فعلا يبقى موفر، وبيحافظ على العربية

بس لو عربيتك بتاكل زيت.. انسى الموضوع ده تماما.. لإنك حترمي فلوسك على الأرض

ناس كتير بتتكلم على بخر الزيوت ، وإن في زيوت معدل بخرها أعلى من غيرها، عشان كده الزيت بينقص في المواتير... حتى وهي جديدة بحالتها

في الحقيقة الكلام ده "غير دقيق"

اللي احنا بنوصفه ده إسمه "استهلاك الزيت"

كل مواتير العالم بتستهلك زيت مع التشغيل... بمعنى إن الزيت بيتحرق مع البنزين أو السولار

وده بسبب طبيعة عمل الموتور اللي فيها الزيت لازم يزيت أي جزء متحرك علشان تبقى حركته سهلة وما يولدش حرارة عالية



السلندر من جوه لازم يبقى عليه طبقة من الزيت عشان البستم يمشي كويس... والبستم بيبقى فيه حلقات بتمنع اختلاط غرفة الحريق عن الأجزاء التانية المتحركة، ودي اللي معروفة بإسم "الشنابر"، ومن ضمن الشنابر دي فيه واحد أو اتنين مخصصين لمسح الزيت من على السلندر... بس المسح عادة مش بيتم بصورة كاملة، وبتفضل فيه طبقة رقيقة على السلندر بتتحرق مع البنزين

الموضوع ده لا يمكن نتفاداه... بس ممكن نقلل منه إزاي ؟

- حاول تستخدم زيت أثقل بعض الشيء (مداه مناسب لجو مصر).. لإن كل ما كان الزيت خفيف ، كل ما كان استهلاكه أكتر

- حاول تستخدم زيت تخليقي

- حاول تقلل من الدوران العالي للموتور... يعني خليك في المدى المتوسط بتاع الـRPM

على سبيل المثال... في كتالوج تويوتا كورولا 2010 (في أمريكا) مكتوب إن معدل استهلاك ازيت ممكن يوصل لحد 1 لتر كل ألف كيلو !!!!! بس المعدل العالي ده لإن الزيت اللي بيستخدموه هناك خفيف جدا لإن الجو هناك بارد في مناطق كتير ... ده غير إنهم عاملين حساب طريقة السواقة الرياضية.

طيب لما الزيت ينقص كده... أعمل إيه ؟

مفيش مشاكل إنك تزود الزيت... 

بس على شرط.. 

إنه يكون نفس نوع الزيت الموجود في الموتور... بمعنى إنه يكون من نفس الماركة أو بمعنى أصح.. من نفس العبوة

المشكلة إنك لو خلطت نوعين زيت أو ماركتين زيت... احنا ما نضمنش محسنات اللزوجة والإضافات اللي محطوطة في الزيت الأولاني تتفاعل مع اللي في الزيت التاني ولا لأ

عشان تريح دماغك.... يفضل وانت بتشتري جالون الزيت تشتري عبوة صغيرة من نفس الزيت عشان تزود بعد كده.

إحنا قلنا إننا ممكن نستخدم زيت أثقل ... هل ده له آثار جانبية ؟

الزيت التقيل مشكلته إنه بيعمل إعاقة نسبية لدوران الموتور ... الموضوع ممكن نشبهه بالفرق بين المية والعسل... جرب تجيب كوباية مية وكوباية عسل وحاول تحرك معلقة فيهم... المية أكيد أسهل بكتير

ميزة الزيت الثقيل إنه حيعمل طبقة سميكة على الأجزاء اللي بيحصل فيها الاحتكاك وبكده حيقلل التآكل وعمر الموتور يطول... بس في المقابل استهلاك البنزين حيزيد شوية لإنك حتضطر تدوس بنزين زيادة عشان العربية تأدي نفس الأداء الأصلي

الزيت الخفيف بالعكس.. حيديك أداء أحسن (مؤقت)، بمعنى إنه حيساعد في السحب وحيوفر في البنزين... بس تآكل الموتور كمان حيزيد...

فلو عندك عربية بتأجرها.. جرب حط فيها زيت خفيف عشان توفرلك بنزين، وكده كده حتبيعها بعد 3-4 سنين.

خلي بالك... لو كتالوج العربية بيوصي باستخدام أو بعد استخدام لزوجة معينة يبقى لازم نلتزم بيها

مثلاً في العربيات الحديثة... الكتالوج ممكن يوصي بزيت لزوجته خفيفة زي 10w30 .. واضح إن الخلوصات في المواتير الحديثة ضيقة جدا ومحتاجة زيت لزوجته منخفضة عشان يقدر يوصل لكل أجزاء الموتور بسهولة

كل السيارات بها تابلوه . البعض بسيط وخالى من اللمبات التحذيرية والاخر معقد وممتلئ على الاخر والموضوع يختلف من سيارة لاخرى ومن شركة لاخرى فحبيت اتناول معاكم الموضوع بشكل عام
ومبدئيا اى حاجة باللون الاحمر تعنى لازم التوقف فورا وانها حاجة محورية تستدعى التوقف لان فيها خطر على الراكب والسيارة مثل الحرارة ومستوى الزيت والفرامل

اما فى بعض الاحوال بعض اللمبات تكون صفراء مثل فحص الموتور وتكون معناها ان الجزء المضاء على سبيل المثال الموتور يعمل لكنه فى حاجة للصيانه وان العربية مش محتاجة تقف فورا

وفى الصورة معظم اشكال اللمبات وهنشرحهم بالتفصيل

1- تعنى ان الفرامل المانعة للانزلاق ABS يوجد بيها مشكلة وتكون باللون الاحمر
2- مستوى البنزين فى العربية منخفض وبحاجه للتزود بالوقود فى اقرب وقت وتكون باللون الاصفر غالبا
3- لمبة حزام الامان للسائق لتذكيره بربط حزام الامان وتكون باللون الاحمر
4- تعنى وجود مشكلة كهربائية او الكترونية بالسيارة ومش موجودة فى معظم السيارة فى مصر
5- تعنى ان هنالك مشكلة فى الفرامل الخاصة بالسيارة وتكون حمراء
6- علامة تحذيرية للتنبيه الى وجود مشكلة والسيارة فى حاجة للصيانة
7- خاصة بمقعد الطفل ولو مضاءة تدل على ان المقعد مربوط بالطريقة الصحيحة
8- مستوى الهواء فى احد العجلات اقل من المستوى المطلوب
9- تعنى وجود مشكلة فى فلتر الهواء الخاص بالتكييف بمعنى انه بحاجة للتنظيف او التغيير
10- لمبة خاصة بالايرباج الامامية عندما تظل مضاءة تعنى وجود مشكلة فى الايرباج
11- خاصة بالايرباج الجانبية عندما تظل مضاءة تعنى وجود مشكلة بها
12- تعنى وجود مشكلة فى الكارسيت بتاع الطفل وهى تشبه رقم 7 الفارق الوحيد الشركات
13- خاصة بفوانيس الشابورة تعنى ان فوانيس الشبورة مضاءة
14- تضاء فقط عند عمل المساحات
15- الضوء الاساسى للسيارة مضاء
16- هيتر الزجاج الخلفى يعمل
17- تحذير خاص بوجود مشكلة فى مقعد الطفل شبيه بالاثنين السابقين
18- تعنى وجود مشكلة فى زيت الفرامل
19- تعنى وجود مشكلة فى البطارية
20- خاصة ايضا بمقعد الاطفال
21- تعنى ان الفلاشر يعمل
22- تعنى ان Cruise control يعمل
23- يشبه رقم 16
24- تعنى ان power train فى مشكلة
25-موجود فى السيارات الفاخرة لتنبيه السائق لان السيارة ممكن انخرج عن السيطرة او تتزحلق
26- تدل على ان بابا او اكثر من ابواب السيارة مفتوح
27- لمبة النظام مانع للسرقة وتوجد عادة فى الفورد
28- تدل على وجود مشكلة فى نظام التشغيل
29- تدل على ان نظام الدفع الرباعى يعمل
30- تعنى وجود مشكلة فى نظام الثبات الالكترونى
31- تدل على ان نظام الاوفر دريف ( موجود فى الشيفروليه زى اللومينا والكابرس ) لايعمل
32- الاشارات المستخدمة فى التنقل بين الحارات والملفات
33- تعنى وجود مشكلة فى تبريد المحرك وتتطلب اطفاء المحرك
34- OBD Indicator تعنى وجود مشكلة فى المحرك اونظام انبعاث الغازات
35- نور السيارة العالى يعمل
36- مستوى الزيت الخاص بالمحرك اقل من الحد الادنى المسموح به